எல்லோரிடமும் ஒரு கதை

‌"எல்லோரிடமும் ஒரு கதை" ஆங்கிலத்தில் சவிதா ஷர்மா எழுதிய நாவலை தமிழில் மாலதி கிருஷ்ணன் அவர்கள் மொழிபெயர்த்திருக்கிறார்கள். கதையில் மொத்தம் நான்கு கதாபாத்திரங்களை வைத்துக்கொண்டு நம் உணர்வுகளை கட்டிப் போட்டிருக்கிறார் சவி சர்மா அவர்கள். இந்த நூறு அறிமுகமாகி அறிமுகமாகி 100 நாட்களில் ஒரு லட்சம் பிரதிகளைத் தாண்டி விற்பனையில் தாண்டி விற்பனையில் சாதனை புரிந்திருக்கிறது.
‌
‌ஒரு பெண் எழுத்தாளராக விரும்புகிறாள், அவளுக்கு கதை கிடைக்கவில்லை அந்த சமயத்தில் காபி கபேவில் ஒரு இளைஞனை சந்திக்கிறாள் அவனை கொண்டு ஒரு கதைக்கரு அவளுக்கு கிடைக்கிறது அவனோடு பயணிக்கிறாள், அவன் பயணம் செய்வதையே பெரிதும் விரும்புகிறான்  அதைப்பற்றி எழுத நினைக்கிறார் நினைக்கிறார், இவளுக்கு அவன்மீது தன்னை அறியாமல் காதல் பிறக்கிறது அவனுக்கும் இவள்  மீது காதல் பிறக்கிறது இருந்தாலும் இவளை விட்டுவிட்டு அவன் பயணம் செய்வதையே விரும்புகிறான். திரும்பவும் இவர்கள் பார்த்துக் கொண்டார்களா கொண்டார்களா என்ன ஆனது என்பதை சுவாரஸ்யமான முடிச்சுகளோடு கதையை முடிக்கிறார் சவி ஷர்மா.
‌
மொழியாக்கம் செய்ததில் மாலதி கிருஷ்ணன் அவர்கள் இன்னும் கொஞ்சம் மெனக்கெட்டிருக்கலாம் என்று தோன்றுகிறது. இந்த புத்தகத்தில் இருந்து இருந்து சில வரிகளை உங்களுடன் பகிர்ந்து கொள்வதில் மகிழ்ச்சி அடைகிறேன் அடைகிறேன் மகிழ்ச்சி அடைகிறேன் அடைகிறேன்.

1. மக்களுக்கு கதைகள் தேவை.காதலின், நம்பிக்கையின், வாழ்க்கைப் போராட்டத்தின், ஞானத்தின், சில சமயம் வலியின் கதைகள் தேவை.
2. ஒவ்வொருவருக்கும் சொல்ல ஒரு கதை உண்டு உண்டு. ஒவ்வொருவரும் ஒரு எழுத்தாளர். சில புத்தகங்களில் எழுதப்படும், சில மனதிற்குள் அடைந்துவிடும்.

3. காதல் சக்தி வாய்ந்தது. நாம் கற்பனையில் செய்ய முடியும் முடியும் முடியும் என்று எண்ண முடியாததையும் முடியாததையும் செய்ய வைக்கும்.

4. எல்லா நம்பிக்கைகளும் விட்டுப் போனாலும், சில பந்தங்களை உடைக்க முடியாது, நாம் யார் என்னவாக இருந்தோம், என்னவாக ஆக கூடும் என்பதை எடுத்துக்காட்டும். அனைத்திற்கும் நடுவில் இயல்பானது நம்மை வந்தடையும்.

5. ஒரு ஆண் செய்யக் கூடியவற்றில் மோசமானது ஒரு பெண்ணை தன் மேல் மேல் தன் மேல் மேல் காதல் கொள்ள வைத்து அவளை பதிலுக்கு காதலிக்காமல் இருப்பதுதான்.

இப்படி பல்வேறு அருமையான சொற்றொடர்களை அமைத்திருக்கிறார் சவி ஷர்மா இப்படிப்பட்ட வரிகளை அருமையாக மொழிபெயர்த்த மாலதி கிருஷ்ணன் அவர்களுக்கும் நம்முடைய நன்றியை சொல்லித்தான் ஆக வேண்டும். இந்தப் புத்தகத்தைப் படிக்கும்போது படிக்கும்போது இந்த கதை உங்களை சுற்றிக்கொள்ளும் அது ஒரு கதை சொல்லும். ஆம் சவி ஷர்மா சொல்வதைப்போல எல்லோரிடமும் ஒரு கதை இருக்கத்தான் செய்கிறது.

நூல் : எல்லோரிடமும் ஒரு கதை
ஆசிரியர்: சவி ஷர்மா
தமிழில்:  மாலதி கிருஷ்ணன்
பதிப்பகம்:  வெஸ்ட்லேண்ட்
விலை:  150
பக்கம்:  157

மரங்களும் மனிதர்களும்

நூல் விமர்சனம்:
திருமதி. சாந்தகுமாரி சிவகடாட்சம் அவர்கள் மரங்களும் மனிதர்களும் என்ற நூலில் மரத்தின் தலைப்புகளில் 10 சிறுகதைகளை எழுதியிருக்கிறார் ஒவ்வொன்றும் மரத்திற்கும் மனிதனுக்கும் உள்ள உறவினை குறிப்பதாக இருக்கிறது.

கதையின் தலைப்புகளே வேப்பமரம், புளியமரம், பலாமரம், முருங்கை மரம், ஆலமரம், அரசமரம்என்று மரங்களின் பெயர்கள் வரிசையாக இருக்கிறது. மரங்களோடு நமக்கு இருக்கும் உறவுகளை அவற்றுடன் நாம் பகிர்ந்துகொள்ளும் உணர்வுகளை சார்ந்து கதைகள் வடிவமைக்கப்பட்டிருக்கிறது. பெரிய மொழிநடை இல்லையென்றாலும் நம்மால் கதையோடு சிறிதேனும் பயணிக்க முடிவதாக நடை அமைந்திருக்கிறது. இன்னும் கொஞ்சம் மெருகேற்றி இருந்தால் இன்னும் நன்றாக அமைந்திருக்கும் என்று நினைக்கத் தோன்றுகிறது.

மரங்களோடு நமக்கு இருக்கும் உறவு என்பது ஆதிகாலம் தொட்டே இருந்து வருகிறது. மாறாக நாம் இப்போது வாழும் காலத்தில் மரங்கள் மீதான விழிப்புணர்வு சற்று குறைந்து இருக்கிறது. இதை எடுத்துக்காட்டும் விதமாக இரண்டு மூன்று கதைகள் அமைந்திருக்கிறது. அதிலிருக்கும் ஒவ்வொரு கதையும் ஒவ்வொரு படிப்பினையை நமக்கு வழங்குவதாக நமக்கு வழங்குவதாக இருக்கிறது, இருந்தாலும் கதை சொல்லப்பட்ட விதத்தில் சற்று தொய்வு இருப்பதாகவே தோன்றுகிறது.

மரத்தையும் குழந்தைகளையும் நாம் வேறுவேறாக நினைப்பதில்லை என்பதை என்பதை ஒவ்வொரு கதையுமே எடுத்துச் சொல்கிறது. வாசிப்பதற்கு மிக எளிதான புத்தகம் புத்தகம்.  புதிய வாசகர்களுக்கு நிச்சயமாக ஒரு நல்ல புத்தகம் இது. இதிலிருந்து நாம் எடுத்துக் கொள்ள வேண்டிய செய்தி என்னவெனில் மரம் இல்லையேல் மனிதர்கள் இல்லை மரங்களை நம்மை விட வேறு யாரும் பார்த்துக் கொள்ளவும் முடியாது பாதுகாக்கவும் முடியாது என்பதை புரிந்து கொண்டால் மரங்களும் வளரும் நல்ல மனங்களும் வளரும்!!!

நூல்        : மரங்களும் மனிதர்களும்
ஆசிரியர்: சாந்தகுமாரி சிவகடாட்சம் பதிப்பகம் : சாந்தி சிவா பப்ளிகேஷன்
விலை       :100 ரூபாய்

முத்தன் பள்ளம்" - "கண்ணீரும் கனவுகளும்"

#புத்தக_விமர்சனம்

"முத்தன் பள்ளம்" -
"கண்ணீரும் கனவுகளும்"

இது ஒரு சீரியசான நாவல் அல்லது ஒரு வரலாற்று நூல் அல்லது வெளிப்படையாக சொல்லப்பட்ட புனையப்படாத ஒரு ஊரின் உண்மைக் கதை அல்லது உண்மை நிலை இப்படி  எப்படி வேண்டுமானாலும் இதற்கு பெயர் வைத்துக்கொள்ளலாம்.

ஒரு தேர்ந்த வரலாற்று அறிஞர் ஒரு அரசை பற்றியோ, ஒரு சமுகத்தை பற்றியோ, ஒரு அரசனைப் பற்றியோ, வாழ்ந்த மக்களை பற்றியோ, இயற்கை சூழல்கள் பற்றியோ, இப்படி எத்தனை பற்றிகளை பற்றி விவரிப்பாரோ அத்தனை பற்றிகளைப் பற்றியும் தன்னுடைய முழு உழைப்பையும் கொடுத்து அலசி ஆராய்ந்து அரங்கேற்றியிருக்கிறார்.

கந்தர்வக்கோட்டை காந்தி சிலை முக்கத்தில் இருந்து போக்கிமான் பூச்சி விளையாட்டின் மூலம் புறப்படும் பயணம் முத்தன் பள்ளத்தை பற்றி மட்டும் சொல்வதற்காக அல்ல முத்தன் பள்ளத்தின் மூலமாக அதைச் சுற்றியுள்ள ஊர்களையும் அதன் வரலாறுகளை சிறப்பம்சங்களை குறைகளை சொல்வதாக பகுதி 1 அமைந்திருக்கிறது. பகுதி ஒன்னு முறையே அக்கச்சிபட்டி, மல்லிகை நத்தம், பெரியகோட்டை, ஒட்டப்பாலம், சொக்கம் பேட்டை, வேலாடிப்பட்டி, மஞ்சம்பட்டி, வெள்ளாள விடுதி, கல்லாக்கோட்டை இப்படியே இறுதியாக முத்தன் பள்ளம் நோக்கி போக்கிமான் பூச்சி சொல்ல சொல்ல எழுத்தாளர் செல்வதாக கதை வடிவமைக்கப்பட்டிருக்கிறது.

இப்படி போக்கிமான் பூச்சி ஒவ்வொரு ஊருக்குள்ளும் எழுத்தாளரை கொண்டு செல்லும்போது அவர் கண்ணில் தென்படும் அத்தனை பதாகைகளும் ஊரை மட்டுமல்ல நாவலில் பெரும்பகுதியை மறைத்துக் கொண்டு விட்டது என்றே எனக்குப் படுகிறது.

போக்கிமான் பூச்சி, பதாகைகளை காட்டாமல் வேறு எதையாவது அடையாளமாக காட்டி இருக்கலாம் என்று தோன்றுகிறது. இருப்பினும் மேற்கோள் காட்டி இருக்கும் அத்தனை பதாகைகளும் தற்கால அரசியலை, அரசியல்வாதிகளை, நடிகர்களை, சுயநலவாதிகளை, சாதிகளை, கட்சிகளை பதம் பார்த்து தான் செல்கிறது. இந்த ஒன்றிற்காக பதாகைகளையும் போக்கிமான் பூச்சியயையும் வரவேற்கலாம்.

அடுத்ததாக பகுதி இரண்டில் போக்கிமான் பூச்சி காலடி எடுத்து வைக்கும் இடத்தில் முத்தன் பள்ளம் இருக்கிறது. அஜித் படத்தில் வரும் அத்திப்பட்டியை விட அங்கு வாழும் மக்களின் நிலை மிக மோசமாக மோசத்திலும் மோசமான ஒன்றாக இருப்பது கண்களில் கண்ணீரை வரவழைக்கிறது. கவலையளிக்கிறது.

முத்தன் பள்ளம் ஏதோ திடீரென்று விண்வெளியில் இருந்து பறந்து வந்து அவதரித்த ஊர் அல்ல. அதன் வரலாறு மிகப்பெரியது. அதை எழுத்தாளர் மிக கவனமாக கையாண்டு இருக்கிறார். முத்தன் பள்ளம் உருவாக அதன் பின்னால் இருக்கும் பாட்டன் , அவரின் முந்தைய வரலாறு, பாட்டனின் பாட்டன் வரலாறு என்று அத்தனைக்குள்ளும் பயணித்து ஒரு வரலாற்றுப் பெட்டகமாக குறிப்பாக முத்தரையர்கள், பல்லவர்கள், பல்லவராயர்கள், சோழர்கள், நாயக்கர்கள் என அத்தனை அரசர்களும் முத்தன் பள்ளம் உருவாக காரணமாக இருந்திருக்கிறார்கள்.

இதில் முத்திரையர்களின் வீரம் முழுமையாக சொல்லப்பட்டிருக்கிறது. அதுமட்டுமல்லாது புதுக்கோட்டை சமஸ்தானத்தை பற்றியும் மார்த்தாண்ட பைரவ தொண்டைமான் முத்தன் பள்ளம் உருவாக எவ்வாறான உதவிகளை செய்தார் என்றும் விரிவாகச் சொல்லப்பட்டிருக்கிறது.

இதற்கிடையில் பாட்டனின் உழைப்பு, முத்தாயியின் மீது அவருக்கு இருந்த காதல் மிக லாவகமாக சொல்லப்பட்டிருக்கிறது. உண்மையாகவே அந்த ஒரே இரவில் காதல் வந்ததா என்று கொஞ்சம் நம்பத்தான் முடியவில்லை இருந்தாலும் அந்த பத்தாவது பகுதி மிகுந்த சுவாரசியமாக இருந்தது.

இறுதியாக போக்கிமான் பூச்சி முத்தன் பள்ளத்தை நோக்கி விரைந்து இறுதியாக ஊரின் கடைக்கோடியில் இருக்கும் வீட்டுக்குள் நுழைந்து இறக்கும் தருவாயில் இருக்கும் ஒரு மனிதனின் தொடைக்கு இடையில் கண்டுபிடிக்கப்பட்டது மிகுந்த வேதனை தான். இறுதிப்பக்கங்கள் என்னை மிகவும் இதயம் நொறுங்க வைத்துவிட்டது.

இறுதியாக சமகாலத்தில் இருக்கும்  ஆட்சியாளர்கள் முத்தன் பள்ளத்தின் மீதும் அங்கு வாழும் மக்களின் மீதும் அவர்கள் படும் துயரத்தின் மீதும் கொஞ்சமேனும் இரக்கப்பட வேண்டும் இல்லையேல் அவர்கள் ஆட்சியிலிருந்து இறக்கப்படவேண்டும்.

ஒற்றை வரியில் இந்த முத்தன் பள்ளம் நாவலைப் பற்றி சொன்னால் போக்கிமான் பூச்சியின் மூலம் அண்டனூர் சுரா என்ற Common மேன் கண்டுபிடித்த பழங்கால வரலாற்று சொர்க்கபூமி.

#இந்த_ஆண்டில்_இதுவரை_5
#புத்தக_விமர்சனம்

மரப்பசு - புன்சிரிப்பு

#மரப்பசு_விமர்சனம்

இறுதியாக 20 நாட்களுக்கு பிறகு மரப்பசு படித்து முடித்துவிட்டேன். தி.ஜா அவர்கள் இந்த கதையை ஒவ்வொரு புள்ளியிலும் மெருகேற்றியிருக்கிறார்.

ஆரம்பத்தில் இந்த நாவலை படிக்க எனக்கு பிடிக்கவில்லை ஏனென்றால் ஒவ்வொரு பத்து பக்கத்தை தாண்டும்போதும் கொஞ்சம் சலிப்போடு கடந்து வந்தேன். காரணம் பேசப்பட்ட கதை என்பது நான் சந்திக்காத சந்திக்க விரும்பாத ஒரு நிகழ்வை அடிப்படையாகக் கொண்டு எழுதப்பட்டிருந்தது. இறுதியாக இந்த கதை எனக்குள் ஏகப்பட்ட கேள்விகளை எழுப்பியிருக்கிறது.

 பெண்களுக்கான சுதந்திரம் என்பது இந்த நாட்டில் இருக்கிறதா என்ற கேள்வியை வைத்தால் நிச்சயமாக அது ஒரு ஹைபோதெடிக்கள். ஒரு பெண் இந்த சமூகத்தில் இன்னும் குறிப்பாக இந்திய திருநாட்டில் சுய சிந்தனையின் படி வாழ விரும்பினால் அவளுக்கு பெயர் வேறு என்று இந்த சமூகம் அர்த்தம் சொல்லி வைத்திருக்கிறது.  அந்த நிலையில் ஒரு பெண் சுய சிந்தனையோடு வாழ முடிவெடுத்தால் என்னென்னவெல்லாம் நிகழுமோ அதுவே இந்த நாவல்.

மாறாக  என்னுடைய சிந்தனையில் இந்த கதையில் வரும் அம்மணி போன்றே நாட்டிலுள்ள அனைத்து பெண்களும் அப்படித்தான் இருப்பார்களா என்றால் நிச்சயமாக இல்லை என்றே சொல்வேன்.
ஏனென்றால் ஒவ்வொரு பெண்ணுக்கும்  குடும்பச் சூழல் என்பது வேறு சமூகம் என்பது வேறு.

அப்படி இருக்க ஏன் இப்படி ஒரு நாவலை செய்திருக்க வேண்டுமென்று யோசித்தால் அந்த காலகட்டத்தில் இப்படி ஒரு நாவல் சமூகத்தில் தேவைப்பட்டிருக்குமோ என்னவோ? இந்த காலகட்டத்திற்கு இந்த நாவல் தேவையா என்றால் மூட நம்பிக்கை கொண்ட ஆண்களுக்கு பெண்களை பொருளாக எண்ணம் கொள்ளும் ஆண்களுக்கு இந்த புத்தகம் நிச்சயம் தேவைப்படும்.

இதையெல்லாம் மீறி எனக்கு அவள் ஒரு தொடர்கதை, அவர்கள் போன்ற பாலச்சந்தர் படங்கள் இந்த நாவலை படிக்கும் போது என் கண்முன்னே ஓடியது. காரணம் பாலச்சந்தர் தன் படங்களில் ஒவ்வொரு சீனுக்கும் அப்படி ஒரு உழைப்பைகொடுத்திருப்பார். பிளாக் அண்ட் ஒயிட் காலத்தில் பேசும் பாலச்சந்தர் கதாபாத்திரங்கள் போல ஒவ்வொரு கதாபாத்திரமும் இந்த நாவலிலும் பேசுவது போல் எனக்கு தோன்றிற்று. பாலச்சந்தர் படம் போன்றே இந்த நாவலை பிளாக் அண்ட் ஒயிட்டில் காட்சிப்படுத்திக்கொண்டேன்.

ஒவ்வொரு பக்கத்திலும் வசனநடை, எதுகை மோனை கொண்ட சொற்கள், ஏராளமான கற்பனை நிறைந்த உவமைகள், நெற்றிப் பொட்டில் அடித்தாற்போல் சொற்கள். அப்பப்பா!! தி.ஜா,  தி.ஜாதான். கோபாலி, அம்மணி, மரகதம், பச்சையப்பன், ப்ரூஸ், கண்டு மாமா, அம்மணி பெரியம்மா, பெரியப்பா இப்படி ஒவ்வொன்றும் மனதில் நிற்கும் கதாபாத்திரங்கள். ஞாபகம் வைத்துக் கொள்ளும் அளவிற்கு ஒரு கதாபாத்திரத்தை ஒரு வாசகனுக்கு கடத்திவிட முடியும் என்றால் நிச்சயமாக அந்த நாவல் நல்ல நாவல் தானே.

தி.ஜா போன்ற பெரிய எழுத்தாளர்களுக்கு, ஜாம்பவான்களுக்கு விமர்சனம் சொல்ல எனக்கு தகுதி இருக்கிறதா என்றால் தெரியவில்லை. மாறாக ஒரு வாசகனாக ஒரு எழுத்தாளன் இருந்தாலும் இல்லாவிட்டாலும் ஒவ்வொரு கதையும் விமர்சிக்கப்படும் போது அந்த நாவல் அந்தக் கதை இன்னும் பல்லாயிரக்கணக்கான வாசகர்களைப் சென்றடையும் என்றால் நான் செய்யும் விமர்சனம் தகுதிக்குரியதே!!!

பல்வேறு பதிப்பகங்கள் இந்த நாவலை பதிப்பித்திருக்கிறது. காலச்சுவட்டில் கொஞ்சம் நல்ல பிரண்டாக இருப்பதைப் பார்த்தேன் வாங்கிப் படியுங்கள்.

ஒன்றே ஒன்றை மட்டும் நீங்கள் மனதில் வைத்துக் கொள்ள வேண்டும் ஒரு பெண்ணுக்கு உங்களால் எந்த வகையிலும் துன்பம் நேராமல் இருந்தால், கொஞ்சமே கொஞ்சம் மகிழ்ச்சியை அவர்களுக்கு உங்களால் கொடுக்க முடியுமென்றால், அவர்களுடைய சுதந்திரத்திற்கு எவ்விதத்திலும் நீங்கள் தடையாக இல்லாமல் இருந்தால் நிச்சயம் ஒரு மரப்பசு தேவையில்லை.

ஒற்றை வரியில் மரப்பசு பற்றி சொல்ல வேண்டும் என்றால் அம்மணி போன்றே ஒரு புன்சிரிப்போடு இந்த விமர்சனத்தை முடிக்கிறேன்.

#இந்த_ஆண்டில்_இதுவரை_4
#விமர்சனம்

பெயரற்றது

சமீபத்தில் படித்து முடித்திருக்கும் புத்தகம் திருமிகு சயந்தன் அவர்கள் எழுதிய "பெயரற்றது". இதில் மொத்தம் 8 சிறுகதையில் இருக்கின்றன. அனைத்து சிறுகதைகளுமே ஈழத்திலிருந்து புலம்பெயர்ந்தவர்களின் வாழ்வின் முரண்களையும் அவர்கள் படும் துன்பத்தையும் வேதனைகளையும் சொல்வதாக இருக்கிறது. 

இன்னும் கூடுதலாக ஈழத்தின் நடையிலேயே   இருப்பது புத்தகத்திற்கு மேலும் வலிமை சேர்ப்பதாக அமைகிறது. மாறாக சில சிறுகதைகளில் சொல்லப்படக்கூடிய வார்த்தைகள் எனக்கு கொஞ்சம் புரியாமல் இருந்தது அது கதையை விட்டு என்னை வெளியே நடத்திச் சென்றுவிட்டது.

 இருக்கும் 8 கதைகளில் என்னை மிகவும் கவர்ந்த கதைகள் சின்ராசு மாமா கதை மற்றும் 90 சுவிஸ் பிராங்குகள் இரண்டு கதைகளுமே சிறிது நேரம் என்னை மற்ற வேலைகளை செய்ய விடாமல் செய்தது அதிலும் சின்ராசு மாமா கதையில் வரும் அந்த குழந்தையின் சடலம் கடலில் மிதப்பது போன்ற ஒரு சொல்லாடலில் என்னையும் மீறி கண்ணீர் வடித்தேன்.

இதில் ஈழத்தில் இருக்கக்கூடிய மக்களின் வாழ்க்கை அங்கு விடுதலைப்புலிகளின் செயல்கள் அங்கே இருக்கக்கூடிய ஆட்சியாளர்களின் செயல்பாடுகள் அது அப்பாவி மக்களை எப்படி அங்கிருந்து புலம் பெயர செய்கிறது என்பதை ஒவ்வொரு கதையிலும் மிகவும் விரிவாகவும் அதேசமயம் மீண்டும் தன்னுடைய நாட்டுக்குத் திரும்பிவந்து விடமாட்டோமா என்ற ஏக்கத்தை  அழுத்தமாக எழுத்தாளர்  கதைகளில் படைத்துள்ளார்.

இன்னொரு முறை வாசித்தால் மட்டுமே எனக்கு மேலும் இதிலிருந்து கூடிய கதைகள் விளங்கும் என்று நினைக்கிறேன். வெளியிட்டு இருப்பது தமிழினி பதிப்பகம் விலை ரூபாய் 90.

இந்த புத்தகத்தை எனக்கு அன்பளிப்பாக வழங்கிய Devatha Tamil அம்மாவிற்கு மகனின் நன்றிகள்...

அடுத்ததாக கையில் எடுத்திருப்பது சயந்தன் அவர்களின் "பெயரற்றது"

#புத்தகம்_நம்பர்_3

விருந்துக்கு பிறகான வெற்றிலை பாக்கு

சிவா முத்தொகுதி என்ற பெரிய பெரிய விருந்தை முடித்தவுடன் போடும் வெற்றிலை பாக்காக நேற்று இந்த புத்தகத்தை எடுத்தேன். அண்ணன் யூமா வாசுகி அவர்கள் மொழிபெயர்த்த புத்தகம்.

சின்னச் சின்ன கதைகளாக எடிசனின் வாழ்க்கையில் நடந்தவற்றை சொல்லும் 15 கதைகள் அடங்கியுள்ளது. சிறுவயது குழந்தைகளுக்கு ஏற்ற புத்தகம். காலை வழிபாட்டு கூட்டத்தில் ஆசிரியர்களும் தேர்ந்தெடுத்து சொல்லலாம். அறிவியல் ஆசிரியர்கள் புதிய பாடத்தை துவங்கும்போது இந்த கதைகளில் ஒன்றை சொல்லி ஆயத்தப்படுத்தலாம்.

அற்புதமான புத்தகம். மலையாளத்தில் பி.பி.கே. பொதுவால் எழுதியிருக்கும் புத்தகம். தமிழ்நாடு அறிவியல் இயக்க வெளியீடு. விலை ரூ.50/-

#புத்தக_விமர்சனம்
#இந்த_ஆண்டில்_வாசித்தது_இதுவரை_2

PADMAN

ஜனவரி 26 அன்று அக்க்ஷய் குமார் நடிப்பில் "PADMAN" என்றொரு திரைப்படம் வெளிவர இருக்கிறது... நம்முடைய கோவை மாவட்டத்தை சேர்ந்த திருமிகு . அருணாசலம் முருகானந்தம் என்பவரின் வாழ்க்கை வரலாறு தொகுக்கப்பட்டிருக்கிறது...

யார் இந்த அருணாச்சலம் முருகானந்தம்?

இவர் கோவை மாவட்டத்தை சேர்ந்தவர். இவர் 1998 ஆம் வருடம் சாந்தி என்பவரை மணக்கிறார். அவருடைய மனைவி மாதவிடாய் காலங்களில் பட்ட சிரமங்களை பார்க்கிறார். சானிட்டரி நாப்கின்களை தருவிக்கிறார். பல முன்னணி நிறுவனங்களின் நாப்கின்கள் விலை அதிகமாக இருக்கிறது. எனவே தானே அதற்கான வழியை தேடுகிறார்.

குறைந்த விலையில் தயாரிக்கக்கூடிய நாப்கின் இயந்திரத்தை கண்டுபிடிக்கிறார்... இன்று நம் நாட்டிலும் பிற நாடுகளுக்கும் அந்த இயந்திரத்தை செய்து கொடுக்கிறார்... இவை அனைத்தும் சாத்தியமாக அவர் என்னென்ன பிரச்சனைகளை சந்தித்தார் என்பது படமாக வரவிருக்கிறது..

2016 ஆவது வருடம் இந்திய அரசால் பத்மஸ்ரீ பட்டம் வழங்கி கௌரவம் செய்திருக்கிறது... Times நாளிதழ் வெளியிட்ட 100 influence நபர்களில் இவரும் ஒருவர்...

அருணாசலம் முருகானந்தம், அக்ஷய் குமார், இயக்குனர் பல்கி மற்றும் படக்குழுவினருக்கு நன்றி!!!

https://en.m.wikipedia.org/wiki/Arunachalam_Muruganantham

#காத்திருக்கிறேன்

புங்கன் மரம் சிறப்புகள்

புங்கன் மரம்

மருத்துவப்பயன்கள்-: புங்கன் அழுகலகற்றி (ANTI-SEPTIC) செய்கையுடன் கிருமிகளை அகற்றி உடலைத் தேற்றும் குணம் உடையது.

புங்கன் இலைச்சாற்றை வயிறு பொருமலுக்கும், கழிச்சலுக்கும் குறிப்பிட்ட அளவு உள்ளுக்குக் கொடுக்க குணம் தெரியும்.

புங்கன் இலையைக் குடிநீரிட்டு குழந்தைகளுக்கு ஏற்படும் மாந்த கணத்திற்குக் கொடுக்கலாம்.

புங்கன் இலையை ஆரைத்து ரத்த மூலத்திற்குப் பற்றிடலாம்.

புங்கன் இலையை நீரில் போட்டுக் கொதிக்க வைத்து அதை குளித்து வந்தாலும் அல்லது ஒற்றடமாக கொடுத்து வந்தாலும் கீல் வாத நோய்கள் கட்டுப்படும்.

புங்கன் பூவை தேவையான அளவுஎடுத்துக் கொண்டு சிறிது நெய் விட்டு வறுத்து இடித்துப் பொடிசெய்து 500 மி.கி. முதல் 1 கிராம் வீதம் உண்டு வந்தால் பெண்களுக்கு ஏற்படும் மேக நோய்கள் குணமாகும் புளிப்பு, வாயு பதார்த்தங்களை இச்சமயம் நீக்க வேண்டும்.

நீரிழிவு நோயினருக்கு அதிக தாகம் ஏற்படும். இதற்கு புங்கம் பூவை கசாயமிட்டு அருந்தி வரலாம்.

புங்கம் விதையிலிருந்து குழித்தைல முறைப்படி எடுக்கப்பட்ட எண்ணெயை குறிப்பிட்ட அளவு உள்ளுக்கும், மேலும் பூசி வர மேகம், பாண்டு முதலிய நோய்கள் குணமாகும். நரை,திரை,மூப்பு நீங்கி இளமையோடு நீண்ட காலம் வாழலாம்.

சிறு குழந்தைகளுக்கு உண்டாகும் கக்குவான் இருமலுக்கு புங்கன் விதைப் பொடியை தேனுடன் கலந்து 1 முதல் 5 அரிசி எடை அளவு கொடுக்க குணம் தரும். இதையே தேள் கடி நஞ்சுக்கும் உண்டால் அவ்விஷம் முறியும்.

புங்கிலிருந்து கிடைக்கும் பாலை புண்களுக்குப் போட்டு வந்தால் விரைவில் அவை ஆறும்.

புங்கன் வேர்ப் பட்டையைப் பொடி செய்து 500 மி.கி. வீதம் மூன்று வேளை உட்கொண்டு வந்தால் இருமல், ஈளை முதலியவை குணமாகும்.

புங்கன் வேரை காடியில் அரைத்து விதை வீக்கத்திற்கு பற்றிட்டு வர வீக்கம் குறையும்.

புங்கன் புளி,மா,வேம்பு, கறிவேம்பு ஆகியவற்றின் இலை வகைக்கு 10 கிராம், சுக்கு, மிளகு, சீரகம், இந்துப்பு வகைக்கு 3 கிராம் 1 லிட்டர் நீரில் போட்டு அரை லிட்டராகக் காய்ச்சி 2 முடக்கு வீதம் குடித்து வர மாந்தம், உள் சூடு, பித்த சுரம் ஆகியவை போகும். குழந்தைகளுக்கு 30 மி.லி. வீதம் தினம் 1 வேளைகொடுக்கலாம்.

பூவை நிழலில் உலர்த்தி நெய்யில் வறுத்துப் பொடி செய்து 1 சிட்டிகை காலை, மாலை 2 அல்லது 3 மண்டலம் தேனில் கொள்ள மது மேகம் மதுமேக ரணங்கள் தீரும். புகை, போகம், புளி, மீன் கருவாடு நீக்கவும்.

புங்கம் பூ, புளியம் பூ, பூண்டு, சீரகம், நன்னாரி வேர், வெப்பாலை அரிசி, வசம்பு, வகைக்கு 50 கிராம் இடித்து 1 லிட்டர் பசும்பாலில் அரைத்துக் கலக்கி 1 லிட்டர் நல்லெண்ணையில் கலந்து காய்ச்சி வடிகட்டி அரை முதல் 1 தேக்கரண்டி வரை காலை மட்டும் 1 மண்டலம் கொள்ள சகலக் கரப்பானும், தோல் நோயும் தீரும்.

புங்க வேர், சிற்றாமணுக்கு வேர், சங்கன் வேர் வகைக்கு 40 கிராம் பூண்டுச்சாறு அரை லிட்டர், விளக்கெண்ணெய் 2 லிட்டர் கடுகு ரோகினி 10 கிராம் வாதரசு(வாதமடக்கி) வேர்ப் பட்டை 20 கிராம் இடித்துப் போட்டு 15 நாள் வெயில் புடம் வைத்துக் காலை மட்டும் 1 தேக்கரண்டி கொடுத்து வர எவ்வித சரும ரோகமும், கரப்பான், சொறி, சிரங்கு, புண், புரைகளும் தீரும்

#நன்றி_யோகா_சார்

விதைக்KALAM 112

அய்யா அப்துல் கலாம் அவர்களின் பிறந்தநாளான இன்று விதைக்கலாமின் 112 ஆவது வார நிகழ்வில்  நரிமேடு, புதுகையில் 5 கன்றுகள் நடப்பட்டது...

ஜெவிச்சுட்டோம்

எங்கள் பள்ளி மாணவிகள் செல்வி. அனுஷா மற்றும் செல்வி. வனிதா இருவரும் முசிறியில் நடந்த மாநில அளவிலான தடகள போட்டியில் பங்குபெற்றார்கள்...

இதில் அனுஷா கலந்துகொண்ட 1500மீ போட்டியில் மாநில அளவில் முதலிடத்திலும் 3000மீ போட்டியில் 3 ஆவது இடமும் பெற்று தேசிய அளவிலான தடகள போட்டிக்கு தகுதி பெற்றுள்ளார்...

செல்வி . வனிதா 3000மீ போட்டியில் பங்குபெற்று 5 ஆவது இடம்பிடித்தார்...

பள்ளிக்கும் நம் புதுகைக்கும் பெருமை சேர்த்த இரு மாணவிகளையும் பாராட்டி பெருமை அடைவதில் மகிழ்கிறோம்...

இதற்கு பயிற்சியளித்த ஆசிரியர்களை பாராட்டுகிறோம்...

#மகிழ்ச்சி

சுட்டி

நடைபாதையின் 

விளிம்பில் 

நிழலொன்று 

தள்ளாடிக்கொண்டிருக்கிறது 

உட்கார்ந்து 

எழுந்து 

திரும்பி 

சப்புகொட்டியது 

பொக்கை வாயால் 

குச்சிமிட்டாயை 

மறுபடியும் 

தவழ்ந்து 

எழுந்து 

தள்ளாடிக்கொண்டிருக்கிறது

                                                                                           நட்புடன் ஸ்ரீ 

பொக்கிஷம்

     குழந்தைகளை புரிந்துகொள்வதென்பது ஒரு கலை.  அவர்களோடு இணைந்து பயணித்தால் மட்டுமே அதில் வெற்றிபெற முடியும். இங்கு குழந்தை தானாய் வெற்றி பெறவேண்டும் என்பதைவிட நாம் முன்கூட்டியே  வெற்றிக்கான இலக்கை அவர்களுக்கு குறிப்பால் உணர்த்திக்கொண்டே இருக்கிறோம் என்பதை எத்தனை பெற்றோர்கள் உணர்திருக்கிறார்கள் என்பது வினாக்குறியே ? அப்படியே உணர்ந்தார்கள் என்றாலும் அதிலிருந்து எத்தனை பெற்றோர்கள் மீண்டு வருகிறார்கள் என்பதிலும் ஒரு நூறு வினாக்குறியை இட்டுக்கொள்ளுங்கள் ??? 

    உதாரணமாக என்னிடம் பயிலும்  ஆறாம் வகுப்பு மாணவனின் அம்மா என்னை சந்திக்க வந்தார்கள் . என்ன என்று வினவுவதற்கு முன்னமே சார் என் பையன் வீட்டுக்கு வந்ததுமே பைய தூக்கி போட்டுட்டு விளையாட போய்விடுகிறான் சார் என்றார்கள். இப்படியே விளையாடினால் அவன் எப்படி சார் முன்னுக்கு வர முடியும். எனக்கு அவனை பற்றிய நிறைய கனவுகள் இருக்கிறது சார் . அவன் நன்றாக படித்தால் என்ன வேண்டுமானாலும் படிக்க வைப்போம் சார் என்றார்கள்... நானோ அம்மா பையன் விளையாடுவது உடல் நலத்திற்கும் அவன் மனத்தால் தன்னை அடுத்து ஒருமுகப்படுத்துவதர்க்கும் விளையாட்டு தேவைதான் என்றேன். இல்லை சார் அவன் ஐந்து மணிக்கு போனால் எட்டு மணிக்குதான் வருகிறான் என்றார்கள். சரி உடனே புரிய வைக்க முடியாது என்பதை புரிந்து கொண்டேன்  மாணவனிடம் விசாரித்ததில் அவன் அப்படிதான் இருக்கிறான் என்பதை தெரிந்து உறுதிபடுத்தி அவனுக்கு அறிவுரை கூறி இனி நீ எத்தனை மணியிலிருந்து எத்தனை மணிவரை படிக்கிறாய் என்பதை டைரியில் எழுதி தினசரி  அம்மாவிடம் கையொப்பம் பெற்றுவா என்று சொல்லி அனுப்பி வைத்தேன்... 

இதில் பிரச்சனையை ஒரு பக்கம் தீர்த்து வைத்தேன் என்பதைவிட அவனுடைய கனவுகள் என்னவாய் இருக்குமோ ? அவன் கனவுகள் பொய்த்துபோய்விடுமோ என்ற பயமே அதிகரித்தது ?

குழந்தைக்கு நல்லது செய்கிறேன் பெயரில் கனவுகள் மறகடிக்கப்பட்டும், சில நேரங்களில் தியாக பொருளாகவும் மாறிபோகிறது. மாறாக பல்வேறு துறைகளை பற்றி அவனுக்கு சொல்லியும் குடும்பத்தின் பொருளாதாரத்தை சொல்லியும் அவன் வளர்க்கப்படும்போது குழந்தை தானாகவே தன் மனதிற்குள் கணக்கிட்டு தன்னுடைய துறையை தேர்ந்தெடுப்பார்கள் என்பது என் எண்ணம் . 

பெற்றோர்களே 

புரிந்துகொள்ளுங்கள் . அவர்கள் உங்கள் கனவுதான் என்றாலும் அவர்களுக்கென்றும்  கனவுகள் இருக்கிறது.

           

அவர்கள் உங்களுக்காக நீங்களே படைத்துக்கொண்ட பரிசு. அவர்களுடைய கனவுகளை நிறைவேற்றி அதை பரிசளியுங்கள்.

அவர்களுக்காக நீங்கள் பெரிதாய் வேறென்ன செய்ய வேண்டும் 

                                                                                                       நட்புடன் ஸ்ரீ 

                                                                                   

எறவானம் - மேஜிக்

இதோ வெகுநாள் கழித்து வலையுலக நட்புக்களை சந்திப்பதில் மகிழ்வு .

இனி முடிந்தவரை தினமும் ஒரு பதிவையேனும் உங்களிடம் பகிர்ந்து உங்களோடு சேர்ந்து பயணிக்க முயல்கிறேன் .

இன்று புத்தக தினம் என்பதால் உங்களிடம் ஒரு புத்தகத்தை அறிமுகம் செய்ய விழைகிறேன்.

இன்று வீதி கலை  இலக்கிய அமைப்பில் எறவானம் என்ற கவிதை நூலை படித்து விமர்சனம் செய்யும் வாய்ப்பு கிட்டியது.

கவிதை நூலை பற்றி சொல்லவேண்டுமெனில் , நிச்சயம் இந்த நூலை படித்து கீழே வைக்கும்போது நீங்கள் ஒரு பெரிய மாறுதலுக்கு உட்படுத்தப்படுவீர்கள்  என்பது என்  எண்ணம்.

புத்தகம் சமூகத்தையும்,நிகழ்கால அரசியலையும் , சாதிய  வர்க்கத்தையும் வறுத்து எடுத்து(வை)ரைக்கிறது. இந்நூலை கவிஞர் வினையன்  அவர்கள் எழுதியிருக்கிறார் .

சொற்களில் புகுந்து விளையாண்டிருக்கிறார் கவிஞர். மனதில் ஒரு சொல் எப்படி எழுமோ அதை அப்படியே வார்த்து கவிதையாய் கொட்டியிருக்கிறார். முடிந்தால் படித்துப்பாருங்கள்.

ஒரே ஒரு கவிதையின் சாரத்தை மட்டும் குறிப்பிடுகிறேன்


வயோதிகன்  ஒருவன் இறந்துவிட்டான். சுடுகாட்டில் அவன் பிள்ளை சொந்த பந்தங்கள் எல்லாம்  கொள்ளிவைத்துவிட்டு போய்விடுகிறார்கள் . இப்பொழுது சுடுகாட்டில் வெட்டியானும் எறியும் பிணமும் மட்டும்தான். வெட்டியான் அவரிடம் என்னை சாதி சொல்லி  கேலிசெய்தாயே என்று மணிக்கட்டில் ஒரு அடி , இதனை பேருக்கு வெட்டியான் நீ உனக்கு யாருடா கொள்ளிவைப்பானு கேட்டியேன்னு முழக்காலு மூட்டுல ரெண்டு அடி பாத்தியாடா செத்தா நீயும் நானும் சாம்பல் தாண்டானு  சொல்கிறபடி ஒரு கவிதை .... ஆனால் கவிதையாய் படிக்கும்போது செவிட்டில் அறைந்தாற்போல் இருந்தது .

 எறவானம் - மேஜிக் 

நண்பர்களுக்கு இனிய புத்தக தின வாழ்த்துக்கள் .

                                                                                                            --- ஸ்ரீ 

டிஸ்லெக்ஸ்சியா - விரட்டியடிப்போம்

 இன்றைய பதிவில் நான் எடுத்துக்கொண்ட பகுதி ஆசிரியர்களுக்கான சில ஆலோசனைகள் சம்மந்தமானது. இதைப் படிக்கும் நீங்கள் உங்களுக்கு தெரிந்த ஆசிரிய பெருமக்களிடம் இது பற்றி கலந்துறையாடியும் , நீங்கள் ஆசிரியர்களாகவோ அல்ல இந்த பகுதியை பற்றிய ஆராய்ச்சியாளராகவோ இருந்தால் மேற்கொண்டு அறிவுரையும் ஆலோசனைகளையும் பதிவிடவும் ...

ஆசிரியர் எவ்வாறு உதவ வேண்டும் ?

    ஆசிரியர்கள் பாதிக்கப்பட்ட குழந்தைகளுக்கு பல வழிகளில் உதவ முடியும். நம்மிடம் பயிலும் மாணவர்களின் பாடம் தொடர்பான அவர்களது பலத்தையும் , பலவீனத்தையும் , தேவைகளையும் காண்பதன் மூலம் அவர்கள் உண்மையாகவே பாதிக்கப்பட்டார்களா என்பதை கண்டறிதல் வேண்டும். 

      இதோ உதாரணத்திற்கு என்னுடைய வகுப்பில் ஒரு மாணவனை கண்டறிந்த சான்றுப் படம் ... 

(சான்று)

   பொதுவாக நம்முடைய கண்ணோட்டத்தில் பெரும்பாலான மாணவர்கள் டிஸ்லெக்ஸ்சியா குறைபாடுடையவர்களாக தோன்றுவார்கள். அப்படி நீங்கள் நினைத்தால் அது தவறு ! மெதுவாகக் கற்கும் மாணவர்களையும் நாம் குறைபாடுடையவர்களாக கருதிவிடுவதே அதற்கு காரணம். 

உண்மையாகவே குறைபாடுடைய மாணவர்களை எவ்வாறு கண்டறிவது ?

 அவர்களது தேவைகளை அறிந்து அதற்குத் தகுந்த பாடத்திட்டங்களை உருவாக்கிக்கொள்ள வேண்டும். சாதாரண மாணவர்களுக்கு கொடுக்கப்படும் பயிற்சியிலிருந்து வேறுபட்டு புதிதான அவர்களுக்கென்று பாட திட்டத்தை உருவாக்க வேண்டும்.

அவர்களுக்கு மனனப் பயிற்சியளித்து பின்னர் பொருள்களுக்கான காரணங்களையும் கருத்துருக்களையும் விளக்க வேண்டும். அவர்களது இயக்க குறைபாடுகள் , சிந்திக்கும் திறன் இதன்மூலமே வளர்ச்சியடையும். 

(உங்களுடைய  மைன்ட் வாய்ஸ்களை கேட்க முடிகிறது... நீ எழுதுவது எங்களுக்கும் தெரியும் அதற்கான நேரம்தான் எங்களிடம் இல்லை என்றுதானே கேட்க வருகிறீர்கள் ?)

   ஒரு நிமிடம் சிந்தியுங்கள் உங்கள் குழந்தைகள் இத்தகைய பாதிப்பில் இருந்தால் என்ன செய்வீர்கள் ? உண்மையாகவே டிச்லெக்ஸ்சியா குறைபாடுடைய குழந்தைக்குத் தேவை அவர்களை அடிக்கடி உற்சாகமூட்டுவதும் , அவர்களுடன் விளையாடுவதும் , கதைசொல்வதும், அவர்கள்மீது நீங்கள் அக்கறையுடையவர்கள் என்று அவர்களை உணரவைப்பதுமே இந்த சவாலில் நீங்கள் வெற்றிபெறும்  வழியாகும். எத்தகைய வழிகளில் அவர்கள் குறைபாடுடையவர்கள் என்று நீங்கள் புரிந்துகொண்டால் அவர்களை சரி செய்வது மிகவும் எளிது.

ஆசிரியர்கள்  எப்படியெல்லாம் அவர்களுக்கு உறுதுணையாக இருக்க வேண்டும் ?

௧. அவர்களுடைய உணர்வுகளை கவனித்து அவர்களுக்கு ஊக்கம் அளித்தல் வேண்டும். உதாரணமாக அவர்களுடைய கோபம் , அழுகை , வெறுப்புணர்ச்சிகளை கண்டறிதல். இத்தகைய குறைபாடுடைய மாணவர்களிடம் மொழியறிவு குறைவாக இருப்பதால் தனக்கு என்ன பிரச்சனை என்பதைக்கூட சொல்ல முடியாமல் தவிப்பார்கள். அவர்களை கண்டறிந்து சரி செய்தல் வேண்டும்.

௨. அவர்கள் மதிப்பெண்களைவிட மதிப்பினையே உயர்வாக கருதுவதாக கூறுகிறது ஆய்வு. நீங்கள் அவர்களுக்கு வழங்கும் குறைவான மதிப்பெண்களைவிட அவர்களை "முட்டாள்கள் ", "திருந்தாதவர்கள் ", "சோம்பேறிகள் ", உன்னால் எதுவும் செய்ய முடியாது ", " நீ எதற்கும் லாயக்கு இல்லை " என்ற வார்த்தைகள் அவர்களை ரணப்படுத்துவதோடு அவர்களை தாழ்வு மனப்பான்மை உள்ளவர்களாக மாற்றி தோல்வியாளர்களாக்கிவிடுகிறது.

௩. இந்த மூன்றாவது செய்திதான் முக்கியமாக ஆசிரியர்கள் மனதில் உள்வாங்கவேண்டிய செய்தி. டிஸ்லெக்ஸ்சியா குறைபாடுடைய மாணவன் தனக்கென்று ஒரு வெற்றிபெறக்கூடிய இலக்கை நிர்ணயம் செய்ய மாட்டான். ஆசிரியர்தான் அவர்களுக்கான துரிதமாக வெற்றிபெறக்கூடிய இலக்கை நிர்ணயம் செய்துகொடுத்தல் வேண்டும்...

என்ன நண்பர்களே இன்றைய செய்தி பயனுள்ளதாக இருக்குமென்று நினைக்கிறேன் !!! அடுத்த பதிவில் மாணவர்களுக்கு என்ன பயிற்சிகள் அளிப்பதன் மூலம் அவர்களை வெற்றியாளர்களாக மாற்றலாம் என்பதை தருகிறேன் !!!!

நன்றியுடன் ஸ்ரீ  

டிச்லெக்ஸ்சியா - கற்றல் குறைபாடு

“If they don’t learn the way we teach, can we

teach them the way they learn?”

Dr Harry T. Chasty

    என்னவொரு அருமையான வாசகம்!!! நாம் கற்றுக்கொடுக்கும் வழியில் அவர்களால் கற்றுக்கொள்ள முடியவில்லை என்றால் நாம் ஏன் அவர்கள் வழியில் சென்று கற்றுக்கொடுக்கக் கூடாது என்று வினா எழுப்புகிறார் ஹாரி சாஸ்டி..

    இந்தியாவில் மொத்தமாக 10-15 %  பள்ளி செல்லும் மாணவர்கள் கற்றலில் குறைபாடு உடைய மாணவர்கள் என்று கூறுகிறது MDA ஆய்வு. அதாவது ஒரு வகுப்பறையில் 40 மாணவர்கள் இருந்தால் அதில் சராசரியாக ஆறு மாணவர்கள் கற்றல் குறைபாடு உடையவர்களாக கருதப்படுகிறார்கள். இந்த ஆறு மாணவர்களும் டிஸ்லெக்ஸ்சியாவால் பாதிக்கப்பட்டவர்கள் அல்ல. இதில் மெதுவாக கற்கும் மாணவர்களும் அடங்குவர். 

 ஆரம்பத்திலேயே டிஸ்லெக்ஸ்சியா குறைபாடு உடையவராக கண்டறியப்பட்டால் அவர்களை வெகு விரைவிலேயே சரி செய்துவிட முடியும்.

  டிஸ்லெக்ஸ்சியாவா குறைபாடு உள்ள மாணவர்கள் கீழ்கண்ட வகைகளில் பாதிக்கப்பட்டிருப்பர்:

௧. கவனக்குறைவு ஏற்படுதல் .

௨. வாசித்தலில் குறைபாடு 

௩. உடல் இயக்க அசைவுகளில் குறைபாடு 

௪. மொழியாற்றளில் குறைபாடு 

௫. பேசுவதில் பிரச்சனை

௬. சமூகம் சார்ந்த செயல்களில் குறைபாடு 

௭.கணிதத் திறன் இல்லாமை 

௮. தாய்மொழி மற்றும் இரண்டாம் மாற்று மொழிகளை கற்றுக்கொள்வதில் சிரமம் 

௯. இதற்கு அப்பாற்பட்டு நினைவாற்றல் , ஒத்துழைக்காமல் இருப்பது போன்ற மன நலம் சார்ந்த செயல்களில் குறைபாடு உடையவர்கள்.

   பெரும்பாலாக டிஸ்லெக்ஸ்க் குழந்தைகள் வாசித்தல், எழுதுதல் மற்றும் கணிதத் திறன்களில் குறைபாடு உடையவர்களாகவும், மேலும் மேற்குறிப்பிட்ட அனைத்துமோ அல்ல அதில் சிலவோ உள்ளவர்கள் இந்த குறைபாடு உடையவர்களாக கண்டறியப்படுகின்றனர்.

        சாஸ்டி சொல்வதைப்போல் நம்முடைய வழியில் அவர்களால் கற்றுக்கொள்ள முடியாது அவர்கள் வழியில் நாம் கற்றுக்கொடுத்தால் இருவருக்குமே வெற்றி நிச்சயம்!!!

இன்னும் விரிவாக நாளை !!!

நன்றியுடன் ஸ்ரீ ...

டிஸ்லெக்ஸ்சியா - நோய் அல்ல

    

  இன்றைய நாள் தீவிர தொண்டைக்கட்டுடன் ஆரம்பித்தது. காலை ௧௦ மணிக்கு அறந்தையில் ஆசிரிய பெருமக்களுக்கு , ஒன்பதாம் வகுப்பில் உள்ள டிஸ்லெக்சியா  குழந்தைகளை கண்டறிவது எப்படி எனபது பற்றிய ( டிஸ்லெக்ஸ்சியா எனபது பற்றி அறிய நீங்கள் ஆமீர் கான் நடித்த தாரே சாமின் பர் என்ற படம் பார்த்தல் நலம் ) பயிற்சி அளித்தாக வேண்டிய சூழ்நிலை. 

  என்னசெய்வதென்று புரியாமல் தவிப்புடன் பயிற்சிக்கு கஸ்தூரி சார் அவர்களுடன் சென்றிருந்தேன். ஒருவேளை அங்கு செல்லும்போது வாயிலிருந்து வெறும் காற்று மட்டும் வந்தால் எல்லாத்தையும் மேலே இருக்கவர் பார்த்துக்கொள்வார் (கஸ்தூரி சார்) என்ற மனநிலையுடன் சென்றுவிட்டேன். ஒரு சின்ன மனதைரியம் என்னவென்றால் ஒரு மணி நேரம் தான் பயிற்சி அளிக்க வேண்டும். 

   எங்கள் வண்டி  பள்ளியின் முன்கேட்டில் நுழைந்தபோதே அங்கு இருந்தவர்கள் நல்ல இரண்டு அடிமைகள் சிக்கிவிட்டதாகவே எங்களை எண்ணியது  அங்கு அமர்ந்த பின்பு என் மரமண்டைக்கு புரிய வந்தது காலம் செய்த கோலம். சரி நடந்தது நடந்துவிட்டது சரி பயிற்சி பற்றிய செய்திக்கு வருகிறேன்.

டிஸ்லெக்ஸ்சியா என்பது  குறைபாடுதான். மாறாக அது நோய் அல்ல என்பது என்னுடைய புரிதல். கற்றலில் அதுவும் வாசித்தலில் , எழுதுதலில் , கணிதத்திறனில் ஏற்படும் ஒருவகை குறைபாடு. இவர்கள் சாதாரணமாக இவர்கள்  பாடங்களை கற்பதில்தான் குறைபாடுடைய மாணவர்கள் மற்றபடி மற்ற மாணவர்களைவிட வேறு சில திறன்களில் முற்போக்கானவர்கள். 

உதாரணமாக இவர்கள் செய்யும் தவறுகள் எழுத்துக்களை மாற்றி எழுதுவது அதாவது (PIT = BID) என எழுதுவது , வாசிக்க தெரியாமல் இருப்பது, சோம்பேறித்தனமாக இருப்பது போன்ற சிலவகை பிரச்சனைகளை மட்டுமே உடையவர்கள். 

இவர்களை சரி செய்வது எப்படி என்பதை பற்றி MDA ( Madras dyslexia assosiation ) ஒரு கையேடை தயாரித்து  பள்ளிக்கல்விதுறையிடம் கொடுத்துள்ளது. டிஸ்லெக்ஸ்சியா பற்றிய இன்னும் விரிவான கட்டுரை மற்றும் அவர்களை சரி செய்யும் வழிமுறைகள் பற்றிய கூறுகளையும் ஆராய்ந்து அது  பற்றிய விரிவான அலசல்களுடன் அடுத்த பதிவில் வருகிறேன் ...

நன்றியுடன் ஸ்ரீ 

அவளுக்கானது - கவிதை

உன் ரோபாடிக் 

அசைவுகளில் 

எக்ஸ்டிரா 

அழகூட்டி 

நிற்கிறாய் !!!

உன் மூளையெனும் 

புராஸ்சஸரில் 

மில்லியன் பைட்களாய்

பதிவாகிட 

அலைகிறேன் !!!

உன் நியூரல் ஸ்கீமாவில் 

ஊடுருவ 

இக்கணமே 

இடம் தா !!!

உன் 

பைனரிகளில் 

என்னை 

சேமித்துக்கொள் !!!

இலக்கிய ரோபோ நீ 

உன்னை 

வியக்க 

வைக்கும் 

மலை நான்!!!

ஆக்கிரமித்துக்கொள் !

நம் அடுத்த 

வெர்ஷனை 

அப்கிரேட் 

செய்வோம் !!!

உன் மனமென்னும் 

மோட்டாரின் 

சிக்கல்களை 

டிரபுல்ஷூட் 

செய்துகொள் !!!

அநாவசியத்தை 

அன்னின்ஸ்டால் 

செய்ய 

அனுமதி கொடு !!!

நம்மை 

இங்கே 

டிஸ்மேன்டில் 

செய்ய 

எவராலும் 

முடியாது !!!

என் 

அப்டேட்களுக்காய்

காத்திருக்கும் 

பெண்ணே 

பிடி !!! 

என்

டெராபைட்களில் 

ஐ லவ் யூ

டெடிகேட்டட் டூ மை ஸ்வீட்டி 

- ஸ்ரீ 

லெமூரியக் கண்டத்து மீன்கள் - நூல் அறிமுகம்

லெமூரியக் கண்டத்து மீன்கள் 

      சற்றேறக்குறைய  இந்த வருட்டத்தின் ஆரம்பத்தில் ஆன்மன் சார் அவர்களின் நட்பு வட்டத்திற்குள் நுழைந்திருந்தேன். புகழ்ச்சிக்காக அல்ல அவரின் கவிதை வரிகளுக்குள் எப்பொழுதுமே ஏதோ ஒரு காந்த சக்தியை உள்ளே வைத்து புதைத்து வைத்திருப்பார். அது நம்மை இழுத்து அந்த கவிதைக்குள்ளிருந்து வெளியே வரவிடாமல் செய்யும். 

 இப்பொழுதும் அதேதான் நடந்தது. ஆன்மன் சார் அவர்களிடமிருந்து நேற்றுதான் அவருடைய அன்பு பரிசாக லெமூரியக் கண்டத்து மீன்கள் கிடைக்கப்பெற்றேன். பொள்ளாச்சி இலக்கிய வட்ட வெளியீடு. ஒரு கவிதை புத்தகத்தை வாசிக்க குறைந்தபட்சம் இரண்டு நாட்களாவது நான் எடுத்துக்கொள்வதுண்டு. இது அப்படியான புத்தகம் அல்ல நண்பர்களே. முதல் பக்கத்தை வாசிக்க தொடங்கிவிட்டீர்கள் எனில் அனைத்தையும் வாசித்து, சுவாசித்து முடித்துதான் வைப்பீர்கள். அனைத்தும் அக்மார்க் கவிதைகள். 

 உள்ளே உள்ள ஒவ்வொரு கவிதைக்கான அதிகபட்ச மெனக்கெடல் தெரிகிறது. வாழ்த்துக்கள ஆன்மன் சார். சரி லெமூரியக் கண்டத்து மீன்களில் உள்ள சின்ன சின்ன சுவாரஸ்யங்களை பார்ப்போம்.

உயிர்ப்பு என்ற தலைப்பில் 

காற்றை  

          நிற்பந்திக்காதே 

          நூலைக் கைவிடு 

          பறக்கட்டும் 

          பட்டம் 

இடிந்தகரை பற்றிய ஒரு அருமையான கவிதை 

திமிங்கிலங்களாக 

          உருமாறி 

          கரை ஒதுக்கி 

          நிலம் புகுகின்றது 

          புதைக்க இடம் மறுக்கப்பட்ட 

          அணுக்கழிவு 

தனிமை பற்றிய கவிதை 

அபத்தமாய் 

          இருக்கிறது 

          தனிமையை 

          தனிமையெனச்

          சொல்வது  

     

இப்படி பல்வேறு  தலைப்புகளையும் லெமூரிய கண்டத்து மீன்கலாக்கி நீந்த விட்டிருக்கிறார். வாங்கி படியுங்கள் முடிப்பதற்குள் நீங்களும் நிச்சயம் ஒரு கவிதை எழுதலாம். 

விலை ரூ  50/-. தேங்கியூ ஆன்மன் சார்.

லெமூரியக் கண்டத்து மீன்கள் - கலர் கலராக நீந்துகின்றன .

ஆசிரியர் : ஆன்மன்
தொலைபேசி : 8760052320
இ-மெயில்  : aanmanchennai@gmail.com
விலை : ரூ 50

நன்றியுடன் ஸ்ரீ .

வைகறை வைகறை !!!

வைகறை வைகறை 

இது அவரின் முகநூல் கணக்கின் பெயர்... இன்றும் தொடர்பில் இருக்கிறார் கணிக்கின் வழி... ஆனால் ?


மணி கிட்டத்தட்ட  மாலை ஆறு...

ஒரு நண்பரின் வீட்டின்முன் நின்றுகொண்டிருந்தேன்... என்னுடன் வந்த நண்பரின் அலைபேசி ஒலித்தது. எடுத்த மறுநொடியே அதிர்ச்சியான வார்த்தைகளை முனுமுனுத்துக்கொண்டிருந்தார்.

என்ன என்ற நான் கேட்ட  அடுத்த நொடியில் வைகறை சார் நம்மை விட்டு பிரிந்துவிட்டார் என்றார் ????

அதிர்சியடைத்து உறுதிபடுத்துவதற்குள் புதுகையை கடந்து உண்மையிலேயே எங்களை பிரிந்து எங்களிடம் சொல்லாமல் அவரின் சொந்தஊரை நெருங்கியிருந்தார் அண்ணன் வைகறை.

என்னை எழுத தூண்டிய மனிதர். முதன்முதலில்  என்னை வீதிக் கூட்டத்தில் கவிதை வாசிக்க வைத்த  மனிதர். விதைக்கலாம் 25 நிகழ்வில்  தானே முன்னின்று  பல முன்னெடுப்புகளை செய்த மனிதர். என்னுடைய சொந்த வாழ்வின் பல நிலைகளில் என்னைப்பற்றி கவலைப்பட்டவர்களில் வைகறை அண்ணனும் ஒருவர். 

இறந்த இரண்டு நாட்களுக்கு முன் அலைபேசியில் பேசிக்கொண்டோம். அப்பொழுதுகூட அவர்  ஏதும் சொல்லவில்லை என்னிடம்?

 மருத்துவமனையில் அவதியுறும்போது அதன் வழியாக பல முறை சென்றேன் அப்பொழுதும் தெரியவில்லை அவர் அங்குதான் இருக்கிறார் என்று ?

எங்களின் கண்முன்னே காலத்திடம்  ஒரு பெறும் கவிஞனை தொலைத்துவிட்டோம் !!! 

எங்களின் நட்பையும் அன்பையும் நிருபிக்கும் வழியாக அந்த மாகவிஞனின் அன்பு மகனுக்கும் அவர் குடும்பத்திற்கும் உதவும் நோக்கில் அவர் மகனின் பெயரில் ஒரு சேமிப்பை ஏற்படுத்த ( FIXED DEPOSIT ) புதுகை வீதி இலக்கியக்களம் மற்றும் கணினி தமிழ்ச்சங்கம் ஒன்றிணைந்து இதுவரை 1,79,000 திரட்டியிருக்கிறது... 

எங்களின் இலக்கு 5,00,000....

இதுவரை வைகறை அண்ணனுக்காக நிதிவழங்கிய அனைத்து நல்உள்ளங்களுக்கும் நன்றி தெரிவிப்பதோடு நீங்களும் உங்களால் இயன்ற ஒரு தொகையை தருமாறு விழைகிறேன்....

அந்த கவிஞனின் பெயர் நிலைத்திருக்கட்டும் உங்களால்...

நிதியளிக்க விரும்புவோர்கள் கீழ்க்கண்ட கணக்கிலேயே வரவு வைக்கலாம்.

First Name        : MUTHU BASKARAN

Last Name         : N

Display Name      : MUTHU BASKARAN N

Bank              : STATE BANK OF INDIA

Branch            : PUDUKOTTAI TOWN BRANCH

Account Number    : 35154810782

Branch Code       : 16320

IFSC Code         : SBIN0016320

CIF No.           : 80731458645

நிதி அளிப்பவர்கள் இந்த மின்னஞ்சலிலும் தெரிவித்தால் அறிவிக்க வசதியாக  இருக்கும்.

vaigaraifamilyfund@gmail.com

மிஸ் யூ வைகறை அண்ணா !!!