தூக்கி எறியப்பட்ட சொற்கள் - வீதி 28

வீதி இலக்கியக் களம்  - புதுக்கோட்டை 

       கடந்த ஞாயிறு (20-06-2016) அன்று நடைபெற்ற வீதி இலக்கியக் கூட்டத்தில் நான் வாசித்த கவிதை :

தூக்கி எறியப்பட்ட சொற்கள் 

ஜென் போன்றதொரு 

ஆழ்ந்த தியானத்தில்

எச்சிலை விழுங்கியப்படியும் 

பேனாவின் பின்புறம் 

பற்களால் சிற்பம் செய்தபடியும் 

காத்திருந்தேன் 

அவளுக்கான சொற்களுக்காய்  ...... 

இரவில் மொட்டைமாடி நடையிலும் 

ஹெட்செட் வழி இசையிலும் 

உறங்காத உறக்கத்திலும் 

காத்திருந்தேன் 

அவளுக்கான சொற்களுக்காய்...

காலை கனவில்  

மலையில் நடந்தபடியும் 

குளத்தில் கல்லெறிந்தபடியும்

தூரலில் நனைந்தபடியும் 

காத்திருந்தேன் 

அவளுக்கான சொற்களுக்காய்...

நினைவுகளை 

பேனாவில் ஊடுருவச்செய்து 

வார்த்தைகளாக்கி 

மைவழி சிதறச்செய்ய   

காத்திருந்தேன் 

அவளுக்கான சொற்களுக்காய்...

செவிகளில் 

ரீங்காரமிடும் சொற்களை 

பொறிக்கியெடுத்தும் 

சுற்றி வந்து தர்க்கம் செய்யும்

சொற்கள் தாண்டியும்  

காத்திருந்தேன் 

அவளுக்கான சொற்களுக்காய்...

உருண்டு பிரண்டும் 

உருக்கிச் சேர்த்தும்

உன்னதமாய் இல்லையென 

தூக்கியெறிந்தேன் 

உனக்காக எழுதப்பட்ட 

ஆயிரம் சொற்களை....

                                                       --பா . ஸ்ரீமலையப்பன்

ஓடு ராசா ஓடு - கடைசி பகுதி

என்ன நண்பர்களே!! இதோ இதோ ஓட்டத்தின் இறுதிப்பகுதிக்கு வந்துவிட்டோம்...

இந்த கடைசி ஓட்டத்தில் நாம் ஓடப்போவது ஆல்ப்ஸ் மலையில்... இந்த ஓட்டத்தை சுருக்கமாக " காட்டான்களின் ஓட்டம் " என்கிறார்கள்... 

ஓடியாங்கோ !!!

டூர் ஆப் ஜயண்ட்ஸ் : ( Tour des geants )

தூரம்        : 336 கிலோ. மீட்டர்

நாள்           : 168 மணி நேரம் 

இடம்         : அசோட்டா, ஆல்ப்ஸ் , இத்தாலி 

இடர்கள்  : குளிர் மற்றும் ஆழமான பள்ளத்தாக்குகள் 

                   " உலகம் சுற்றும் காட்டான்கள் " என்கிறார்கள் இதை சுருக்கமாக.

                                இதில் பாதி பயண தூரம் மலையேற்றம்தான். அதாவது 24,000 மீட்டர் மலையை ஏறிக் கடக்க வேண்டும். அதுபோக இதில் மூன்று நாட்களில்  25 மலைகளைக் கடந்து ௨௦௦௦ மீட்டர் ஏறினால் நீங்கள் பாதி வின்னர்.

                              நாம் வெயில் நேரத்தில் பயணப்படும்போது சாலையில் கானல் நீர் தென்படுவதுபோல நீங்கள் மலையேரும்போது பனிச்சரிவுகள் ஏற்படுவதுபோல ஒரு மாயத்தோற்றம் ஏற்படும். கவனமாக இருத்தல் வேண்டும்.

                           நாம் பார்த்தவற்றில் மிகக் குறைந்த நுழைவுக்கட்டணம் உள்ள போட்டி இதுதான்  எனவே நிறைய பர்கேற்பாளர்கள் பெயர்கொடுத்துவிட்டு காத்திருக்கிறார்கள். 700 பேருக்கு மட்டுமே அனுமதி.

                      இதில் ஒரு எலிமினேஷன் செட்டப் உண்டு. மலையை குப்பையாக்கினால் நீங்கள் போட்டியிலிருந்து விளக்கபடுவீர்கள்.

மேலும் அறிய :

www.tordesgeants.it/en

நன்றி விகடன் 

படங்கள் கூகிள் 

                                                                  - முடிந்தது -

இதுகாறும் வாசித்து, கருத்திட்டு  ஊக்கம் செய்த நண்பர்கள் 

அனைவருக்கும் நன்றி )

நன்றியுடன் ஸ்ரீ 

                   

ஓடு ராசா ஓடு - பகுதி 6

      மறுபடி ஓட தயாராகுங்கள் நண்பர்களே... 

 இந்தமுறை ஓடப்போவது அமெரிக்காவில். ஓட்டம் அதன் பெயருக்கேற்றாற்போல் பொறுமையான ஓட்டம்தான். ஆனால் ஓடி முடிக்கையில் நாக்கு தள்ளிவிடும் என்பது கூடுதல் தகவல்... 

    வாங்க ஓடுவோம் !

ஹார்டுராக்  என்ட்யூரன்ஸ் :

தூரம்          : 160 கிலோ மீட்டர் 

நேரம்          : 48 மணி நேரம் 

இடம்          : கொலாரேடோ, அமெரிக்கா 

இடர்கள்   : புயல் , ஆழமான பள்ளத்தாக்குகள் , அதிக உயரம் 

        கடல் மட்டத்திலிருந்து 11,000 அடி உயரமான " சில்வர்டன் " என்ற இடத்தில் இந்தபொட்டி நடைபெறுகிறது.

  கடுங்குளிர், அதீத வெப்பம் போன்றவற்றை சமாளிக்கும் அத்தகைய சூழ்நிலையில் பழக்கப்பட்ட வீரர்கள் மட்டுமே இதை சிறப்பாக செய்ய முடியும்.

          இயற்கைக்  காட்சிகள், வானவில்லை ரசித்து  சில நேரம் நல்ல சில்லென்ற இடத்தில் ஓடி மனதை குளிர்வித்துக்கொள்வதைத் தவிர மற்றவை அனைத்தும் கும்பிபாகம்தான்.

           இந்த போட்டியில் ஓடும் தூரத்தில் கால்வாசி தூரம் அதாவது 10,000 மீட்டர் உயரத்தை ஏறித்தான் கடக்க வேண்டும். நம் சபரிமலை வாசிகளுக்கு கொஞ்சம் சுலபமாய் இருக்கலாம்.

               போட்டியை முடிக்கும் இடத்தில் முத்தமிட்டு அதாவது அங்கே இருக்கும் ஹார்டுராக் என்ற பாறையை முத்தமிட்டுத்தான் நீங்கள் போட்டியை முடிவு செய்யவேண்டும். 

              ஒவ்வொரு வருடமும் இந்த போட்டி ஜூலை மாதம் நடைபெறும்.

மேலதிக விவரங்களுக்கு :

http://hardrock100.com/

இன்னும் ஒரே ஒரு ஓட்டம் பாக்கி... அதோடு நாளை சந்திப்போம்...

           

                                                                                                                          நன்றியுடன் ஸ்ரீ 

FAN - சினிமா விமர்சனம்

      பெரும்பாலும் இந்தி மொழிப்படங்கள் பார்ப்பதில்லை என்றாலும் என்னமோ சமிபத்தில் ஷாருக் நடிப்பில் வெளிவந்த FAN படம் பார்க்கவேண்டும்போல் இருந்தது.

               படம் ஹபிப் பைசலின் திரைக்கதையால் போரடித்தாலும் இன்றைய நிலையில் அதுவும் தமிழகத்தில் சில குறிப்பிடத்தகுந்த ஹீரோக்களின்மீது ரசிகனுக்கு இருக்கும் மனநிலையை அப்படியே பிரதிபலித்திருக்கிறது.

           ஷாருக் கொஞ்சம் மெனக்கட்டிருக்கிறார் என்றுதான் சொல்லவேண்டும். தன்னுடைய உண்மையான ஹீரோ இமேஜிற்கு எந்த பாதிப்பும் வராமல் அதே சமயம் ஒவ்வொரு ஹீரோவிற்கும் பின்னால் இருக்கும் ரசிகன் என்னவெல்லாம் யோசிப்பானோ அந்த உணர்சிகளை படத்தில் கொட்டியிருக்கிறார் மனிதர்.

        கவ்ரவாக வரும் ஷாருக் உண்மையிலேயே மிரட்டுகிறார். செண்டிமெண்ட் காட்சிகள் அருமை. சில காட்சிகள் முகம் சுழிக்கவும் வைக்கிறது.

   மனு ஆனந்த்தின் காமரா நம்முடன் பேசுகிறது. ஒவ்வொரு பிரேமிலும் விளையாண்டிருக்கிறார். சில காட்சிகள் ஹாலிவுட்தரம். வாழ்த்துக்கள் மக்கா.

  நம்ரதா ராவ் எடிட்டிங்கும் அருமை. திரைகதையில் மெனெக்கெட்டு இருந்தால். படம் பக்காவகியிருக்கும். பின்னணி இசை ஓகே. மனீஷ் ஷர்மா இயக்கிய விதத்தை பொறுத்தவரையில் ஷாருக் மற்றும் ஷாருக் ரசிகர்களை ஏமாற்றவில்லை என்றுதான் சொல்லவேண்டும்.

     என்னடா ஹீரோயினை பத்தி ஒருவார்த்தைகூட இல்லை என்று யோசிக்க வேண்டாம். இதில் யார் ஹீரோயின் என்று எனக்கு இன்னும் புலப்படவில்லை.

பஞ்ச் - FAN - ஷாருக் பேன்களுக்கானது

ஸ்ரீ ரேட்டிங் - 3/5

ஓடு ராசா ஓடு - பகுதி 5 (இமயமலை )

         

     இன்று நம்முடைய இமயமலையில் ஒடப்போகிறோம் என்று நேற்றே கூறியிருந்தேன். நம்ம ஊர சும்மா நினைத்துவிடாதீர்கள் நண்பர்களே ! அப்படி நினைத்தீர்கள் என்றால் உங்களை முதலில்     புரட்டி எடுக்கப்போவது நம்முடைய மாரத்தான் தான். 

வாங்க ஓட துவங்குவோம் ...

லா அல்ட்ரா - தி ஹை

தூரம்         : 333 கிலோ மீட்டர் 

நேரம்        : 72 மணி நேரம் 

இடம்         : இமயமலை , இந்தியா 

இடர்கள் : மூச்சு திணறல் , வெயில் , குளிர் 

            மாராதான் ஓட்டத்திலும் நம்ம மலையை யாராலும் தோற்கடிக்க முடியாது. சிங்கிள் ஸ்டேஜ் போட்டியான இதை " தி ஹை" என்று அழைக்கிறார்கள்.( மலேடா இமயமலை )

            மைனஸ் டிகிரிக்கு டக்கென வானிலை மாறுவது , காலை நேரத்தில் கடும் வெயில் சுட்டெரிப்பது , ஆக்சிஜன் குறைபாட்டால் முச்சுதிணறல் ஏற்படுவது, பல மலைத்தொடர்களை கடக்க வேண்டிய நிலை . எல்லாவற்றையும் மீறி கொடுக்கப்பட்ட நாட்களுக்குள் இந்த சவாலை முடித்தால் நீங்கள்தான் வின்னர். ( இதுவும் ஒருவகை வைத்து செய்தலே )

           இந்த பயிற்சியை தேர்ந்தெடுக்க தனி தன்னம்பிக்கை தேவை என்கிறார்கள் இதற்குமுன் போட்டியில் பங்குபெற்றவர்கள். ( நல்லா கிளப்புராங்கடா பீதிய )

             இன்னொரு வாய்ப்பும் இதில் உண்டு நீங்கள் 333 கிலோமீட்டர் ஓட முடியாது எனில் 222 கிலோ மீட்டரை தேர்ந்தெடுத்து ஓடலாம் , அதுவும் முடியாதென்றால் 111 கிலோ மீட்டரை தேர்ந்தெடுக்கும் வசதி இந்த வகை மாரத்தானில் உள்ளது. ( நம்ம பயலுக கெட்டிகாரங்க என்பதற்கு மற்ற நாட்டைவிட இதுவே சாட்சி )

           பல அபாயங்கள் இதில் உள்ளது குறிப்பாக சில இடங்களில் 40 % ஆக்சிஜன் மட்டுமே கிடைக்கும். இதனால் சிலர் இறந்த சம்பவங்களும் உண்டு . (மெய்யாலுமே )

          "லின் ஹுவேல்ட் " என்ற ஆஸ்திரேலியர் 222 கிலோ மீட்டர் பிரிவில் வெற்றிபெற்று இருக்கிறார். 

                "ஐந்து நாட்களில் ஐந்து மாரத்தான்களை வென்று சாதனை படைத்த எனக்கு லே ,முதல் லடாக் வரை கால் விறைத்து ஓடி வந்ததை நினைத்தால் இந்து வரை கதி கலங்குகிறது எனபது லின் ஹுவேல்டின் பதிவு (போவியா ? போவியா ?)

என்ன மக்களே நம்ம ஊர் வீர சூரர்களை கலந்துகொள்ள செய்து நமது பெருமையை நிலைநாட்டலாமே ( பெண் கொடுக்கும் வீட்டார்கள் கவனத்திற்கு )

மேலும் இதை பற்றி அறிய :

www.laultra.in/

https://www.youtube.com/watch?v=Dq55LIy1R0M (காணொளி )

நாளைக்கு வேற ஒரு நாட்டுல ஓடுவோம் தயாரா இருங்க நண்பர்களே !!!

                                                                                                                             நன்றியுடன் ஸ்ரீ 

ஓடு ராசா ஓடு - பகுதி 4

என்ன  நண்பர்களே நேற்று ஓடி ஓடி களைத்துப்போய் இருப்பீர்கள் !!

சும்மா விடுவோமா என்ன ?

தமிழ்நாட்டில் தற்போது " வச்சு செய்வது " என்ற பதம் வழக்கத்தில் உள்ளது . நான் சொல்லப்போகும் அடுத்த வகை மாரத்தானும் அதைப்போன்ற ஒன்றுதான். வாட்டி வதக்கி வச்சு செய்யும் மாரத்தான் பற்றி தெரிந்துகொள்ள ஆவலாக இருப்பீர்கள் என்று புரிகிறது...

வாங்க ஓடலாம் !!!

மாரத்தான் டேஸ் செபில்ஸ் :

தூரம்            : 251 கிலோ மீட்டர் 

நேரம்           : மூன்று நாட்கள் 

இடம்            : சகாரா பாலைவனம் 

இடர்கள்    : நுரையீரல் வறட்சி , தண்ணீர் தாகம் , கடுமையான                                    வெயில் மற்றும் மணல் புயல் அபாயம்.

  1986 ஆம் ஆண்டு பேட்ரிக் பூவர் என்பவரால் ஆரம்பிக்கப்பட்டதுதான் இந்த மாரத்தான்.

               உலகின் நீளமான மற்றும் சிக்கலான மாரத்தான் என்று இதை அழைக்கிறார்கள்.

        கொஞ்சமே கொஞ்சம் பேர் மட்டுமே இதுவரை வெற்றிபெற்று இருக்கிறார்கள் இதுவரை.

              சாதாரணமாக ஒவ்வொரு முறையும் உங்கள் முழங்கால் வரை மணலுக்குள் புதைவதால் நடப்பது மிகவும் சிரமம். சுமாராக 100 பாரன்கீட்டில் நடக்கவேண்டி இருக்கும். இதனால் நீங்கள் எளிதில் சோர்வடைந்து போவீர்கள்.

      

          திறம்பட பயிற்சி மேற்கொள்பவர்களால் மட்டுமே வெற்றிபெற முடியும். 

     கால் முழுக்க கோணி சாக்குகளை சுற்றிக்கொண்டு நீங்கள் போட்டியில் கலந்துகொள்வது பெஸ்ட்.

       ஒரே ஆறுதல் நீங்கள் பயணம் மேற்கொள்ளும் மூன்று நாட்களும் ஆங்காங்கே தண்ணீர், ஜூஸ், தங்கிக்கொள்ள கூடாரம் ஆகியவை அமைத்து தரப்படும்.

 மூன்று நாட்களுக்குள் நீங்கள் பயண தூரத்தை கடத்து வெற்றிபெற்றால் மிகப்பெரும் பரிசுத்தொகை கிடைக்கும் கூடவே சீயர் கேள்சின் முத்தங்களும்...

     என்ன நீங்க போட்டிக்கு தயார்தானே!!!

மேலதிக விவரங்களுக்கு :

http://ultrarunner.co.za/marathon-des-sables-2015-the-toughest-footrace-on-earth/

www.marathondessables.co.uk/

https://en.wikipedia.org/wiki/Marathon_des_Sables

https://www.facebook.com/MarathonDesSables/

நாளைக்கு நாம இமயமலையில் ஒடப்போறோம்.. 

இது நம்ம ஊரூ மாரத்தானுங்கோ ..

                                                                                                                  நன்றியுடன் ஸ்ரீ 

ஓடு ராசா ஓடு - பகுதி 3 (ஜங்கிள் அமேசான் அல்ட்ரா )

                என்ன நண்பர்களே அடுத்த ஓட்டத்தை தொடங்குவோமா !

               இன்று நான் பதியப்போகும் ஓட்டத்தை "மாரத்தான்களிலேயே மிகவும் கடினமான மாரத்தான் " என்று அழைக்கிறார்கள். 

         ஹாலிவுட் படங்களில் "அந்த மிருகம் நம்மள தொரத்திட்டு வருது" என்று கேட்டிருப்பீர்கள்,    இந்த ஓட்டத்தில் நீங்கள் பங்கேற்பாளராக சென்றால் அதை நிச்சயம் நீங்கள் நேரிலேயே ரசிக்கவும் உணரவும் செய்யலாம்...

அப்படி என்னடா மாரத்தான்.... உங்க மைன்ட் வாய்ஸ் கேக்குது!!!

ஜங்கிள் அமேசான்  அல்ட்ரா :

தூரம்            : 254 கிலோ.மீட்டர் 

நேரம்           : 168 மணி நேரம் 

இடம்            : அமேசான் காடு , பிரேசில் 

இடர்கள்    : புதை குழிகள் , ஜாகுவார் , அனகோண்டா , பிரானா ,

                           மற்ற காட்டு விலங்குகள் , கொசுத்தொல்லை மற்றும் 

                           கொஞ்சமே கொஞ்சம் அட்டைப் பூச்சிக்கடி .

                          அடர்த்தியான அமேசான் காடுதான் பயணப்பாதை. இதை ஒரு ரவுண்ட் முடித்துவிட்டால் நீங்கள் பியர் கிரில்ஸ் போன்ற மாமேதைகள் ஆகிவிடலாம்.

                         ஓடிக்கொண்டே இருக்கும்போது நீங்கள் பாதாளத்தில் இருந்தீர்கள் என்றால் புதைகுழிக்குள் மாட்டிக்கொண்டுவிட்டீர்கள் என்று புரிந்துகொள்ளுங்கள்.

                     

                        ஜாகுவார் , கரடி , அனகோண்டா , பிரானா மீன்கள் , வகை வகையான குரங்குகள் , நீங்கள் பார்த்திராத ஏனைய விலங்குகளை போன்றவற்றை  நண்பர்களாக நினைத்துக்கொண்டே ஓடுதல் நலம்.

                       இந்த போட்டி மொத்தம் ஐந்து கட்டங்களாக பிரித்து நடத்தப்படுகிறது. 

                       இந்த போட்டியில் இதுவரை பங்கேற்ற கணிசமான அன்பர்கள் " அமைச்சரே இன்னும் பயிற்சி வேண்டுமோ " என்றபடி பாதியிலேயே நடையை கட்டிய கதைகள்தான் அதிகம்.

                     நீங்கள் ஒருவேளை பாகுபலியாகவோ அல்லது ஜங்கிள் புக் சிறுவனாக நினைத்துக்கொண்டால் வெற்றி நிச்சயம்.

                     இந்த போட்டியில் நீங்கள் பங்குபெற வேண்டுமென்றால் பிரத்யேக பயிற்சி வகுப்பில் பயிற்சியெடுத்த பிறகுதான் விண்ணப்ப படிவத்தையே கையில் தொடமுடியும்.

    "நமக்கு ரிஸ்க் எடுப்பதெல்லாம் ரஸ்க் சாப்ட்ற மாதிரி "என்பவர்கள் கீழே கொடுக்கப்பட்டுள்ள வளைதலத்திற்குள் செல்லவும்....

லிங்கை சுட்டுக 

https://www.facebook.com/JungleMarathon/

கொஞ்சம் பெருமூச்சு விட்டுக்கொள்ளுங்கள் .... அடுத்த ஓட்டத்தோடு அடுத்த பதிவில் வருகிறேன் நாளை ... 

                                                                                                           நன்றியுடன் ஸ்ரீ 

                   

மனிதம் உயிர்வாழ்கிறது - நெகிழ்ச்சி பதிவு

      நான் எப்பொழுதெல்லாம் மனிதத்தின்மீது சந்தேகிக்கிறேனோ அப்பொழுதெல்லாம் மனிதம் சாகவில்லையென செவிட்டில் அறைந்தாற்போல் எவரோ ஒருவர் நிருபித்துவிடுகிறார்கள்.

           என் மாணவர்களில் ஒருவருக்கு சில மாதங்களுக்கு முன் தாங்க முடியாத துன்பம் வந்துசேர்ந்தது. அவன் குடும்பம் மீண்டுவிடவில்லை இன்னும். படிப்பை தொடர ஏற்பாடுகள் செய்துகொண்டிருந்த நேரம்... என்னால் எதுவும் செய்யமுடியாத போதாகாலமாகிவிட்டது.

               அந்தகணம் என்னை நானே கோபித்துக்கொண்டேன். மனிததின்மீதும் தீரா கோபம்.. நான் முன்னமே சொன்னதுபோல என் செவிட்டில் அறைந்தவாறு என் கண்முன்னே விழுந்தது நண்பர் பிரபாகரன் அவர்களின்முகநூல் பதிவு இவ்வாறாக "ஏழை மாணவருக்கு உதவக்கூடிய நண்பர் ஒருவர் இருக்கிறார் யாருக்கேனும் தேவையென்றால் அணுகவும்" என்றிருந்தது.

   உடனே அலைபேசிவிட்டு அதை என் மாணவருக்கென்று உறுதி செய்துகொண்டேன். இன்று துபாயில் வசிக்கும் நண்பரின் நண்பர் திரு. இமானுவேல் ரூபன் அவர்களிடமிருந்து ரூ. 25,000/- நண்பர்கள் அருண், முருகன் மற்றும் பிரபாகரன் அவர்கள் மூலமாக தலைமை ஆசிரியர் அவர்கள் கைகளால் மாணவருக்கு வழங்கப்பட்டது. இப்பொழுது பெருமூச்சுடன் நிம்மதி. மகிழ்ச்சி.

       நல்ல உள்ளங்கள் நம்மை சுற்றி இருக்கின்றன என்ற நம்பிக்கையோடு இரவை வரவேற்றுக்கொண்டிருக்கிறேன்.

      தலைமையாசிரியர், பள்ளி ஆசிரிய பெருமக்கள், மாணவர்கள் , நண்பர்கள் அனைவருக்கும் கோடி நன்றிகள். மீண்டும் ஒருமுறை நன்றி நண்பர்கள் இமானுவேல் ரூபன் , பிரபாகரன் , அருங்குலமுருகன் மற்றும் நண்பர் அருண் .

நன்றி நண்பர்களே ... ஓடு ராசா ஓடு பகுதி - 3 நாளை....

ஓடு ராசா ஓடு - பகுதி 2

         இரண்டாவது வகை மராத்தானை பற்றி அறிய விருப்பமாக இருப்பீர்கள்... நம்மூரில் கட்டாந்தரையில் ஓடுவதே சிரமம்!!!

ஆனால் இந்த மாராதான் நடைபெறும் இடம் எங்கு தெரியுமா ?

முழுக்க பனிமலையில். குளிர் நடுக்கத்தில், நூறல்ல இருநூறல்ல மொத்தாமாக எழுநூறு கிலோ மீட்டர்.. என்ன மூச்சடைக்கிறதா ?

வாங்க ஓடிக்கிட்டே படிப்போம் அந்த இரண்டாவது மராத்தான் பற்றி.....

ஆர்டிக் அல்ட்ரா மாரத்தான் : 

தூரம்             : 700 கிலோ. மீட்டர் 

நேரம்            : 312 மணி நேரம் 

இடம்             : கனடா 

இடர்கள்     :  வெப்ப குறைபாடு , கடுங்குளிர்                               உடல் அசைவற்று போதல் 

               உலகின் சில்லென்ற மராத்தான் இந்த வகை மராத்தான். கனடாவின் பனி பிரதேசத்தில் மைனஸ் டிகிரியில் ஓடவேண்டும். 

               மொத்தம் மூன்று பிரிவுகளாக இந்த வகை ஓட்டம் பிரிக்கப்படுகிறது. முதல் மூன்று நாட்களில் 100 மைல், எட்டு நாட்கள் 12 மணி நேரத்துக்குள் 300 மைல் கடைசியில் மீதமுள்ள 130 மைல்களை கடந்தால் நீங்கள் வெற்றியாலராகலாம்.

              இதில் ஆசுவாசபடுத்திக்கொள்ளும் ஒரே விஷயம் உங்களை ஒரு குழு பின்தொடர்ந்து வரும். எனவே நீங்கள் பேரிடர்களில் சிக்கினால் காப்பாற்றப்படுவீர்கள் என கொஞ்சமாவது நம்பலாம்.

             ஒவ்வொரு செக் பாயன்டையும் கடக்கும்போது கையெழுத்துப்போட மறந்துவிடக்கூடாது. பதறவேண்டாம் நீங்கள் கையெழுத்திடும் நேரத்திற்கும் உங்கள் டைமிங்கிர்க்கும் சம்மந்தம் இல்லை. எல்லைகோட்டை தொடுவதுதான் இங்க வெற்றியே சோ பயப்படவேண்டாம்.

            உங்களின் அன்றாட உணவுகளுக்காக இந்த போட்டியை நடத்தும் டீமின்  சூப்பர்மார்கெட் மற்றும் உணவகங்களை நீங்கள் பயன்படுத்திக்கொள்ளலாம். 

            இத்தனை நாள் ஓட வேண்டியிருப்பதால் தனி நபராக ஓடாமல் ஒரு குழுவாக ஓடினால்தான் நீங்கள் சோர்வடையாமல் வெற்றி கனியை பறிக்க முடியும்...

            என்ன ஓட தயாரா ?

மேலும் இந்த மராத்தான் பற்றிய விவரம் அறிய :

http://www.arcticultra.de/en/

அடுத்த பதிவுல இன்னும் வேகமா ஓடுவோம் ... 

                                                                                                                          நன்றியுடன் ஸ்ரீ 

             

ஓடு ராசா ஓடு - இது மராத்தான் வாரம்

          நம்மூர் மராத்தான் போல் அல்லாமல் உலக அளவில் மிகவும் பயங்கரமான , கேட்பதற்க்கே பதைபதைக்கும் அளவுக்கு நடக்க கூடிய  ஏழு வகையான மராத்தான் போட்டிகளை உங்களுக்கு இந்த ஏழு நாட்களுக்கும் அளிக்கிறேன் ... உள்ளே செல்வோமா !!!!

௧. டிராகன்ஸ் பேக் ரேஸ் 

       தூரம் : 300 கி.மீ

       நேரம் : 120 மணி நேரம் 

       இடம்  : வேல்ஸ், ஸ்காட்லாந்து

     இடர்கள்  : குளிர் , மலை விலங்குகள் , திசை அறியமுடியா சிக்கல் 

                                                

                                      ( டிராகன் பேக் ரேஸ் மலை , வேல்ஸ் )

       முதன்முதலில் 1992 -ம் ஆண்டு செப்டம்பர் மாதம் இந்த போட்டி ஆரம்பிக்கப்பட்டுள்ளது . மலையேற்றம் செய்து பழக்கப்பட்டவர்கள் மட்டுமே இதில் பங்கேற்ப்பது நல்லது . 

       இதில் உள்ள மிகப்பெரும் சவால் 16000 மீட்டர் தூரத்தை மலை ஏறியே கடக்க முடியும் . ஐந்து நாட்கள் நடக்கும் இந்த போட்டியில் காடு , மலை , பாதையே இல்லாத சாலைகள் , தொலைந்து போனால் கண்டுபிடிக்க முடியாத வழிகள் ( கணவன்மார்கள் கவனிக்க ) வழிகள் அதிகம் . 

    மிகப்பெரிய சிக்கலே வழித்தடம்தான் . அதாவது எந்தப்பாதையில் செல்வது என்பதே மிகப்பெரிய குழப்பமாக இருக்குமாம் . ( இதில் கலந்துகொண்ட ஒருவர் ஏழு நாட்களுக்கு பிறகே மீட்ட்கப்பட்டு இருக்கிறார் ) 

   இன்னுமொரு சிக்கல் நடுநடுவே ஆயிரக்கணக்கில் உட்புகும் மலைகள். இவைகள் எளிதாக நாம் செல்லும் வழித்தடத்தை மாற்றக்கூடியது. 

   ஒரே ஆறுதல் நமக்கு கொடுக்கபட்டிருக்கும் மேப்பில் தினமும் காலை ,மாலை , இரவு வேளைகளில் சாப்பாடு கொடுக்கப்படும் இடம் குறிக்கப்பட்டிருக்கும் . நீங்கள் அந்தந்த இடங்களை கண்டுபிடித்து விட்டாலே பாதி வெற்றி நிச்சயம் .

   ஆனால் ஒவ்வொரு ஆண்டிற்கும் தனித்தனி ரூட் மேப் உண்டு ..

மேலும் டிராகன் பேக் ரேஸ்  பற்றிய விவரங்கள் அறிய 

www.dragonsbackrace.com/

https://www.youtube.com/watch?v=jwp8kY4Z7Fk

https://www.facebook.com/DragonsBackRace/

நாளை இன்னுமொரு மராத்தானோடு சந்திப்போம் நண்பர்களே.....

  

நாதஸ்வரம் மேக்கிங் பார்முலா

இப்படித்தான் உருவாகிறதாம் நாதஸ்வரம் 

௧. ஆச்சா மரத்தில் வெட்டியெடுக்கப்பட்ட கட்டையை                                         நாதஸ்வரத்தின் அளவுக்கு ஏற்ப கடைந்து கொள்கிறார்கள் .

௨. பின்னர் அதை மட்டைப்பலகையில் வைத்து குடையப்பட்டு                    பொருத்தமான  அளவில் ஓட்டை போடப்படுகிறது .

௩. மறுபடியும் சீராக கடயப்படுகிறது .

௪. நாதஸ்வரத்தின் ஆதாரமான "பிரம்மஸ்வரம்" துளைகள் அளவு               பார்த்து குறிக்கப்பட்டு போடப்படுகின்றன .

௫. அன்சுக்குத் தேவையான வாகை மரக்கட்டை கடையப்பட்டு                    வடிவமைக்கப்படுகிறது  

௬. அனசும் உலவும் சேர்க்கப்பட்டு நாதஸ்வரம் உருவாகிறது .

௭. பின்னர் அதன் வழவழப்பு தன்மைக்காக எண்ணெய்                                     பூசுகிறார்கள் .

நன்றி : விகடன் 

படங்கள் உதவி : கூகிள்